Purschidas sur ils numers dal servetsch da rait fixa u da telefonia mobila
Cuntrari als servetschs cun plivalur che vegnan prestads sur in numer da 090x e ch'As vegnan mess a quint da Vossa purschidra, pon furnituras da servetschs porscher u prestar lur servetschs er sur in numer da telefon da rait fixa (p.ex. sur in numer da telefon cun la preselecziun 032) u sur la rait da la telefonia mobila (p.ex. 077).
Ils custs per in tal servetsch As vegnan mess a quint separadamain, p.ex. da la furnitura da servetschs u er d'ina interpresa d'incassament. La purschidra da servetschs da telecommunicaziun As metta a quint sulettamain la taxa da colliaziun per il telefonat (pretsch per il discurs al telefon), sche Vus n'avais betg (pli) minutas inclusivas.
Pretschs, quint e prescripziuns
Dispitas areguard talas purschidas ston vegnir giuditgadas tras las dretgiras civilas. Ni il UFCOM ni ombudscom pon intervegnir en tals cas.