Bainvegni sin la pagina d’internet rumantscha dal UFCOM
Actualmain vegn elavurada la versiun rumantscha da questa pagina d’internet. Qua vegnis Vus a chattar cuntegns davart las incumbensas ed ils temas da l’Uffizi federal da communicaziun UFCOM: davent da la telecommunicaziun e da las medias sur la digitalisaziun e l’administraziun da las frequenzas fin al provediment postal en Svizra. Nossa finamira è quella da preschentar ils champs d’activitad centrals dal UFCOM en moda chapaivla ed accessibla – en l’avegnir er en rumantsch. Uschia vulain nus prestar ina contribuziun a favur da la diversitad linguistica e da l’intermediaziun inclusiva d’infurmaziuns.
Pussibilitar la communicaziun – rinforzar la diversitad
Sco center da cumpetenza da la Confederaziun per las medias e la telecommunicaziun procura il UFCOM per in access liber, segir e multifar a la communicaziun en Svizra. El è er in actur impurtant en il sectur da la digitalisaziun. Nus stgaffin cundiziuns generalas che promovan l’innovaziun, che protegian ils dretgs fundamentals e che accumpognan cun responsabladad la transfurmaziun digitala. Ultra da quai ans engaschain nus per ina cuntrada da medias independenta, multifara e d’auta qualitad en Svizra.