Ulteriurs numers: betg gratuit u gratuit?
Numers curts dal tip 18xy
Quai èn numers per servetschs d'infurmaziun al telefon. Per quests numers valan da princip las medemas prescripziuns da publitgar ils pretschs sco per ils numers da 090x.
Pretschs, quint, prescripziuns
Attenziun: La colliaziun cun la persuna da contact giavischada (p.ex. servetsch «connect») As vegn messa a quint tenor ils pretschs da la purschidra d'infurmaziuns (p.ex. 1.90 francs per minuta). Il pretsch applitgà sto vegnir communitgà a Vus en mintga cas (independentamain dal model e da l'autezza da pretsch) directamain avant che la colliaziun vegn fatga.
Numers gratuits u numers a la tariffa naziunala
- 0800: Telefonats sin quests numers èn gratuits
- 084x (0840, 0842, 0844, 0848; uschenumnads numers da divider las taxas): pretsch unitar, independentamain dal lieu entaifer la Svizra, dal qual il telefonat vegn fatg, maximalmain dentant 7,5 raps per minuta (+TPV, pretsch maximal d'ina colliaziun naziunala a la rait fixa).
Numers curts
- Servetschs dal clom d'agid:
- 112: Numer d'urgenza europeic (gratuit)
- 117: Polizia (gratuit)
- 118: Pumpiers (gratuit)
- 143: Il maun offert (max. 20 raps per telefon u 70 raps d'in publifon)
- 144: Clom d'agid sanitar (gratuit)
- 145: Clom d'urgenza d'intoxicaziun (gratuit)
- 147: Agid al telefon per uffants e per giuvenils (gratuit)
- Servetschs da salvament, da pannas e d'infurmaziuns: 140, 1410, 1411, 1414, 1415, 145, 1600, 161, 163, 164, 165, 166, ... (Pretschs actuals tranter 20 raps e 2 francs per telefon e/u minuta)
- Auters numers curts (da trais fin tschintg cifras) vegnan duvrads per ils servetschs dad SMS e dad MMS betg gratuits (cf. fegl d'infurmaziun SMS ed MMS che custan dapli).
Numers internaziunals
Intgins numers internaziunals èn vegnids attribuids a tscherts servetschs u a raits globalas e na correspundan betg ad in numer da preselecziun dal pajais.
Quai vala per exempel per numers che cumenzan sco suonda:
- 00800: numers gratuits internaziunals
- 00881: colliaziuns da satellit (p.ex. Inmarsat)
- 00882: numers ch'èn vegnids attribuids a raits sin l'entir mund e che pon custar plirs francs per minuta.
As drizzai a Vossa purschidra per vegnir a savair ils pretschs.