Dumondas frequentas davart la telecommunicaziun

Cuntrari als servetschs cun plivalur che vegnan prestads sur in numer da 090x e ch'As vegnan mess a quint da Vossa purschidra, pon furnituras da servetschs porscher u prestar lur servetschs er sur in numer da telefon da rait fixa (p.ex. sur in numer da telefon cun la preselecziun 032) u sur la rait da la telefonia mobila (p.ex. 077).

In telefonat ad in numer che cumenza cun 0900, 0901 u 0906 (quests numers vegnan resumads sut 090x) custa per regla dapli ch'in discurs al telefon cun in ami, cun ina clienta u cun la mamma. Tar in abunament mensil cun uschenumnadas minutas inclusivas resultan ils custs per quests telefonats per il solit supplementarmain al pretsch d'abunament. Sur in tal numer na pudais Vus betg mo manar in discurs, mabain er far diever d'in servetsch che vegn mess a quint directamain sin Voss quint da telefon. Telefonats a tals numers da servetschs cun plivalur pon custar fin a plirs francs per telefonat e per minuta. Telefonats a tals numers resp. il diever da tals servetschs pon perquai augmentar andetgamain il quint da telefon. Faschai attenziun.

Quests «numers da servetschs cun plivalur» pussibiliteschan da pajar tscherts servetschs en moda nuncumplitgada. Tar il diever da quests numers vegnan las prescripziuns vertentas il pli savens observadas. Tuttina ston ins far attenziun, sch'ins cumpona tals numers: Las taxas da telefon engrevgiadas èn mintgatant fitg autas ed i dat er abus.

L'import ch'As vegn mess a quint per telefonat sin in numer da 090x, cuntegna tant la taxa per la colliaziun sco tala («il telefonar») sco er per il servetsch tratg a niz. Questas cumponentas na vegnan betg decleradas separadamain.

Bloccai l'access als numers da 090x La meglra protecziun cunter abus en il sectur dals numers da 090x è d'impedir che colliaziuns a tals numers pon vegnir fatgs cun Voss telefon. Mintga purschidra sto dar a sias clientas ed a ses clients la pussaivladad da bloccar tut ils numers da 090x u las singulas categorias (p.ex. 0901 e 0906). La bloccada sto pudair vegnir activada u deactivada da Vus en moda simpla e gratuita. Vossa purschidra As sto infurmar davart las pussaivladads da bloccar, cura che Vus faschais in nov contract e suenter almain ina giada per onn. Per giuvenils sut 16 onns ston ils numers da 090x esser bloccads sco standard. Cun excepziun da l'access al divertiment da persunas creschidas (0906) pon las ulteriuras purschidas (0900 und 0901) vegnir messas a disposiziun cun il consentiment d'ina persuna responsabla per l'educaziun.

L'import sin Voss quint da telefon As surprenda e Vus vesais telefonats ad in u plirs numers da 090x? Il pretsch per telefons a numers da 090x è per exempel pli aut che spetgà u Vus n'eras insumma betg conscienta u conscient che telefonats a numers da 090x èn vegnids fatgs?

Quai èn numers per servetschs d'infurmaziun al telefon. Per quests numers valan da princip las medemas prescripziuns da publitgar ils pretschs sco per ils numers da 090x.

www.eofcom.ch/liste

Secretariat da stadi per l'economia SECOHolzikofenweg 36, 3003 Berna Tel. 058 462 77 70